Azərbaycan, Bakı, 24 oktyabr /Trend/
Rusiya müxalifətin təqibindən qurtarmaq üçün Ukraynanın sabiq Prezidenti Viktor Yanukoviçin Krıma keçməsinə kömək edib. Trend-in TASS-a istinadən verdiyi məlumata görə, bunu Rusiya Federasiyasının Prezidenti Vladimir Putin deyib.
Onun sözlərinə görə, V.Yanukoviç bir neçə gün ərzində keçmiş Ukrayna ərazisi olan Krımda qalıb.
Ukraynanın şərqindəki hadisələrə toxunan dövlət başçısı qeyd edib ki, rəsmi Kiyev həmin bölgədə kaset bombalardan istifadə edir: "Dünya ictimaiyyəti Ukraynanın şərqində qeyri-bərabər güc tətbiqini görməzlikdən gəlir".