Bakı. Elçin Mehdiyev – Trend:
Azərbaycan Seçki Məcəlləsinə dəyişikliklər Milli Məclisin bu gün keçirilən iclasında müzakirə edilib.
Trend-in məlumatına görə, Milli Məclisin Hüquq siyasəti və dövlət quruculuğu komitəsinin sədri Əli Hüseynli bildirib ki, ümumilikdə Seçki Məcəlləsinə 55 dəyişiklik təklif edilir.
O qeyd edib ki, dəyişikliklərin böyük əksəriyyəti Azərbaycanda keçirilən son referendumdan sonra Seçki Məcəlləsinin Konstitusiyaya uyğunlaşdırılması ilə bağlıdır.
Məcəlləyə dəyişikliklə bağlı qanun layihəsi müzakirələrdən sonra səsə qoyularaq qəbul edilib.