Bakı. Nigar Quliyeva - Trend:
Demokratiya və İqtisadi İnkişaf Naminə Təşkilat - GUAM həll olunmamış münaqişələrdən əziyyət çəkən ölkələr üçün regional əməkdaşlıq formatı kimi mühim rol oynayır.
Trend-in məlumatına görə, bu barədə ATƏT Daimi Şurasının Vyanada keçirilən iclasında Avropa İttifaqının (Aİ) təşkilatdakı Daimi nümayəndəliyinin ATƏT Parlament Assambleyasının prezidenti Georgi Tseretelinin çıxışına cavab olaraq yaydığı bəyanatda bildirilir.
G.Tseretelinin 2017-ci ilin dekabrında Tbilisidə GUAM Parlament Assambleyasına səfərinə toxunan nümayəndəlik qeyd edib ki, həlli uzanmış münaqişələrin həllinə göstərilən diqqəti alqışlayır:
"ATƏT Parlament Assambleyasının əməkdaşı olmaqla yanaşı, GUAM davam edən və həlli uzanmış münaqişələrdən əziyyət çəkən ölkələr arasında regional əməkdaşlıq formatı kimi mühüm rol oynayır".