Bakı. Ləman Zeynalova - Trend:
Düşənbədə İqtisadi Əməkdaşlıq Təşkilatının (İƏT) üzv ölkələrinin xarici işlər nazirlərinin növbəti iclası öz işinə başlayıb.
Azərbaycanın Tacikistandakı səfirliyindən Trend-ə verilən məlumata görə, ölkəmizi tədbirdə xarici işlər nazirinin müavini Mahmud Məmməd-Quliyev təmsil edir.
İclas iştirakçıları İqtisadi Əməkdaşlıq Təşkilatının layihə və proqramlarının icrası vəziyyəti, İƏT Katibliyinin beynəlxalq təşkilatlarla qarşılıqlı əməkdaşlığı, İƏT-in Əfqanıstana yardım üzrə Yeni Proqramının qəbulu, həmçinin təşkilatın inzibati və maliyyə məsələlərini müzakirə edəcəklər.