Bakı. Trend:
30 il ərzində ermənilər bizim torpaqlarımızı ancaq istismar edirdi, təbii səvətləri talayırdı, evləri dağıdırdı, sökürdü
Trend-in məlumatına görə, bunu Azərbaycan Prezidenti İlham Əliyev Kəlbəcərə səfəri zamanı deyib.
Dövlət başçısı bildirib:
"Onlar üçüncü yolu da Cəbrayıldan salmaq istəyirdilər. O da yarımçıq qaldı. Onların arzuları gözlərində qaldı.
Bizim evlər - azərbaycanlıların ermənilər tərəfindən dağıdılmış evləri. Ermənilər 30 il ərzində bizim torpaqlarımızı ancaq istismar edirdi, təbii sərvətləri talayırdı, evləri dağıdırdı, sökürdü. Sonra da deyirdi ki, bura erməni torpağıdır. Bura heç vaxt erməni torpağı olmayıb və bundan sonra heç vaxt olmayacaq. Bu, Azərbaycan torpağıdır. Biz azərbaycanlılar - bu torpaqların sahibləri qayıtmışıq. Düşməni torpağımızdan qovaraq, düşmən ordusunu məhv edərək, qəhrəmanlıq, fədakarlıq göstərərək qayıtmışıq."