Bakı. Trend:
Türkiyənin xarici işlər naziri Hakan Fidanla Rusiya xarici işlər naziri Sergey Lavrov arasında telefon danışığı olub.
Trend-in Türkiyə KİV-ə istinadən məlumatına görə, nazirlər taxıl sazişin müzakirə ediblər.
Bundan başqa XİN rəhbərləri Rusiyanın Türkiyəyə meşə yanğınlarına qarşı mübarizədə yanğınsöndürən təyyarə göndərməsi barədə danışıqlar aparıblar.
Xatırladaq ki, iyulun 17-də Rusiya taxıl sazişinə xitam verdiyini elan edib.
Rusiya XİN taxıl sazişinin dayandırılması ilə bağlı Ankara, Kiyev və BMT katibliyini rəsmən məlumatlandırıb.
Qara dəniz taxıl dəhlizi müqaviləsi Rusiya-Ukrayna müharibəsi nəticəsində Ukrayna taxıl gəmilərinin Qara dəniz limanlarından keçə bilməməsi səbəbindən 2022-ci ilin iyul ayında Türkiyə, Rusiya, Ukrayna və Birləşmiş Millətlər Təşkilatı arasında Ankarada imzalanıb. Sonuncu dəfə mayın 17-də İstanbulda Türkiyə hakimiyyətinin vasitəçiliyi ilə 60 gün müddətinə uzadılan “Taxıl sazişi”nin müddəti bu gün bitib.