Bakı. Trend:
Aprelin 25-də Azərbaycan Respublikasının xarici işlər naziri Ceyhun Bayramov və ATƏT-in Baş katibi Feridun Sinirlioğlu arasında geniş tərkibdə görüş keçirilib.
Trend xəbər verir ki, bu barədə XİN-in "X" sosial şəbəkəsindəki paylaşımda deyilir.
"ATƏT-in suverenlik və ərazi bütövlüyü kimi prinsiplərinin etimadın və davamlı sülhün bərpası üçün təməl kimi əhəmiyyəti vurğulanıb. ATƏT-in yeni reallıqlara uyğunlaşdırılması, çoxtərəfliliyin gücləndirilməsi və təşkilat çərçivəsində yaranan təhdidlərin aradan qaldırılması ilə bağlı fikir mübadiləsi aparılıb", - paylaşımda deyilir.
XXX
17:02
Aprelin 25-də Azərbaycan Respublikasının xarici işlər naziri Ceyhun Bayramov və ATƏT-in Baş katibi Feridun Sinirlioğlu arasında təkbətək görüş olub.
Trend xəbər verir ki, bu barədə XİN-in "X" sosial şəbəkəsindəki paylaşımda deyilir.
"Təkbətək görüşdə tərəflər Azərbaycan-ATƏT əməkdaşlığının vəziyyəti və perspektivlərini, regional təhlükəsizlik məsələlərini, Azərbaycanla Ermənistan arasında normallaşma prosesini müzakirə ediblər. ATƏT məkanında inkişaf edən vəziyyət nəzərdən keçirilib, dialoq və sabitliyin zəruriliyi vurğulanıb", - paylaşımda deyilir.
