Bakı. Trend:
Azərbaycanın xarici işlər naziri Ceyhun Bayramov Pakistanın xarici işlər naziri İshaq Dara Müstəqillik Günü münasibətilə Laçında keçirilən tədbirlərdə iştirakına görə təşəkkürünü bildirib.
Trend xəbər verir ki, bu barədə Ceyhun Bayramov rəsmi “X” hesabında paylaşım edib.
“Əziz qardaşım İshaq Dar, səni Laçında görməkdən, həqiqətən də, məmnun oldum. Azərbaycan, Türkiyə və Pakistan arasında tarixi Üçtərəfli Zirvə çərçivəsində 28 May — Müstəqillik Günümüz münasibətilə keçirilmiş tədbirlərdə iştirak etdiyiniz və bizə qoşulduğunuz üçün səmimi təşəkkürümü bildirirəm. Yaşasın qardaşlığımız, dostluğumuz və birliyimiz!” – nazir paylaşımında qeyd edib.