Bakı. Trend:
Cənubi Koreyada dağlıq əraziyə çırpılmış hərbi dəniz qüvvələrinə aid “P-3 Orion” patrul təyyarəsinin qəzaya uğraması nəticəsində azı 3 nəfər həyatını itirib.
Trend xəbər verir ki, bu haqda “News1” məlumat yayıb.
Xilasedicilər dağıntı yerindən 2 nəfərin meyitini tapıb, digər iki nəfərin axtarışları davam etdirilir.
xxx
09:36
Cənubi Koreyada ölkənin hərbi dəniz qüvvələrinə aid patrul təyyarəsi qəzaya uğrayıb.
Trend xəbər verir ki, bu haqda “Yonhap” agentliyi məlumat yayıb.
Təyyarənin Pohanq şəhərinin cənub-şərqində yerləşən dağlıq əraziyə çırpıldığı bildirilir.
Hadisə vaxtı təyyarənin göyərtəsində 4 nəfər olub. Hələlik onların aqibəti barədə məlumat yoxdur.