Bakı. Trend:
Azərbaycan 2025-ci ilin mart ayında Türkiyənin üç ən iri boru kəməri ilə qaz tədarükçüsündən biri kimi mövqeyini möhkəmləndirib.
Bu barədə Trend Türkiyənin Enerji Bazarlarını Tənzimləmə İdarəsinə (EPDK) istinadən məlumat verir.
2025-ci ilin martında Türkiyə Azərbaycandan 1,043 milyard kubmetrdən çox təbii qaz idxal edib. Bu göstərici 2024-cü ilin mart ayı ilə müqayisədə (təxminən 1,021 milyard kubmetr) 2,20 faiz çoxdur. Bununla da Azərbaycan Rusiyadan sonra Türkiyəyə boru kəməri ilə qaz tədarükündə ikinci yeri tutaraq, aylıq göstəricilərə əsasən, İran İslam Respublikasını geridə qoyub.
Həmin dövrdə Türkiyə İran İslam Respublikasından 561,10 milyon kubmetr təbii qaz idxal edib ki, bu da ötən ilin eyni dövründəki 247,50 milyon kubmetrlə müqayisədə təxminən 2,3 dəfə çoxdur. Rusiya Federasiyası isə liderliyini qoruyaraq, mart ayında Türkiyəyə 1,791 milyard kubmetrə yaxın təbii qaz ixrac edib (2024-cü ilin martında bu göstərici təxminən 1,807 milyard kubmetr təşkil edirdi).
Ümumilikdə, 2025-ci ilin martında Türkiyənin təbii qaz idxalı 6,996 milyard kubmetri ötərək, ötən ilin martındakı 4,412 milyard kubmetrlə müqayisədə 35,91 faiz artıb. Boru kəməri ilə qaz idxalı 3,395 milyard kubmetr təşkil edib (10,40 faiz artım), sıxılmış təbii qaz idxalı isə 94,60 faiz artaraq 2,601 milyard kubmetrə çatıb.
X: @Lyaman_Zeyn