Bakı. Trend:
2024-cü il ərzində 400 min vətəndaş aktiv məşğulluq tədbirləri ilə əhatə olunub.
Trend xəbər verir ki, bunu Dövlət Məşğulluq Agentliyinin İdarə Heyətinin sədri Sadiq Əliyev "Müasir dünyanın çağırışları kontekstində sosial müdafiə sistemlərinin uyğunlaşdırılması" mövzusunda beynəlxalq konfransda deyib.
O bildirib ki, bu gün məşğulluq tədbirləri bütün yeniliklərə və çağırşlara cavab verir.
"Xidmətlərimizin əlçatan şəkildə vətəndaşlara təqdim edilməsi üçün yeni islahatlar həyata keçirilib. 2024-cü il ərzində 400 min vətəndaş aktiv məşğulluq tədbirləri ilə əhatə olunub.
Ümumilikdə 2017-2025-ci ildə aktiv məşğulluq tədbirləri ilə əhatə olun şəxslərin sayı 2 milyonun ətrafında olub. Bu gün biz 150 - dən çox özəl tərəfdaşlarla əməkdaşlıq edirik. Eyni zamanda, əməkhaqqı fondu da 3 dəfədən çox artıb", deyə o qeyd edib.