Bakı. Trend:
Avropada avtonom modullu kogenerasiya sistemlərinin mühəndis istehsalçısı olan RSE şirkəti 2-4 iyun 2025-ci il tarixlərində Bakıda 30-cu yubiley "Baku Energy Week" həftəsi çərçivəsində baş tutacaq 13-cü beynəlxalq "Caspian Power 2025" sərgisində ilk dəfə iştirak edəcək.
Buxarestdə keçirilən "Energy Expo 2025" sərgisində uğurlu debütdən sonra RSE şirkəti yüksək enerji səmərəliliyi, çeviklik və avtonomluğu özündə birləşdirən həllərlə Şərqi Avropa və Asiyanın strateji bazarlarında genişlənməyə davam edir.
"Bu gün enerji yalnız kilovat deyil, həm də müstəqil, çevik və istənilən ssenariyə hazırlıqlı olmaq bacarığıdır", - deyə RSE-nin təsisçisi Andrey Qrinenko (Andrey Grinenko) bildirib.
Sərgidə nə təqdim edəcəyik?
RSE stendində şirkətin əsas texnoloji həlli – alman MWM mühərrikləri ilə təchiz olunmuş yüksək səmərəli kogenerasiya modulları nümayiş olunacaq. Bu modulların əsas özəllikləri:
- həm şəbəkə daxilində, həm də avtonom rejimdə işləyir;
- 95%-dən yüksək ümumi səmərəliliyi təmin edir;
- təbii qaz, bioqaz və əlaqəli neft qazları ilə uyğun gəlir;
- elektrik enerjisinə 30%-dək qənaət etməyə imkan verir, tüstü qazlarını istilik enerjisinə, buxara və ya soyuğa çevirir;
- 4,5 MVt-dək gücə malik mühərriklər də daxil olmaqla, sürətli miqyaslanma üçün modullu arxitekturaya malikdir;
- proqnozlaşdırıcı diaqnostika funksiyası olan ağıllı idarəetmə sistemi ilə təchiz olunub.
Bu həllər Avropa, Asiya və Afrikanın bir sıra ölkələrində, o cümlədən müharibə şəraitində 300 MVt-dan çox avtonom generasiyanın tətbiq olunduğu Ukraynada mühüm infrastruktur obyektlərini, sənaye müəssisələrini, logistika mərkəzlərini və bələdiyyələri enerji ilə təchiz etmək üçün artıq istifadə olunur.
Niyə məhz biz və niyə indi?
Azərbaycan böyük potensiala malik enerji dövlətidir. Lakin bu gün ölkə paylayıcı şəbəkələri fəal şəkildə modernləşdirir, sənaye zonalarını inkişaf etdirir, bərpa olunan enerjiyə sərmayə qoyur və yeni infrastruktur layihələri üçün çevik avtonom enerji mənbələri axtarır.
RSE texnologiyaları məhz bu ehtiyacları qarşılayır. Biz yalnız bir generator təchizatçısı deyilik, həm də mühəndis tərəfdaşıq, hansı ki:
- kompleks enerji həlləri hazırlayır;
- öz istehsalı olan akkumulyator enerji saxlama sistemləri və sənaye istilik nasosları ilə birgə işləyə bilən kogenerasiya sistemləri təklif edir;
- quraşdırma, texniki xidmət, monitorinq və dəstəyi öz üzərinə götürür;
- xərcləri azaltmağa, davamlılığı artırmağa və yeni tənzimləyici standartlara uyğun olmağa kömək edir.
RSE komandası ilə 2-4 iyun 2025-ci il tarixlərində Bakıda keçiriləcək "Caspian Power 2025" sərgisində tanış ola bilərsiniz. Biz yerli, səmərəli, dayanıqlı yeni nəsil enerji sistemlərini quran tərəfdaşlar, müştərilər və mühəndislərlə görüşməyə şad olarıq.
