Türkiyənin baş naziri Rəcəb Tayyib Ərdoğanın Azərbaycana rəsmi səfər proqramı razılaşdırılıb. Bu barədə Trend ə Türkiyənin Azərbaycandakı səfirliyndən məlumat veriblər.
Türkiyə hökumətinin başçısı Bakıya iyunun 29-da axşam gələcək. Səfərin rəsmi hissəsi isə iyunun 30-na planlaşdırılıb. Şəhidlər Xiyabanını ziyarət etdikdən sonra baş nazirin Azərbaycan prezidenti İlham Əliyevlə təkbətək görüşü planlaşdırılıb ki, bu zaman bir neçə hökumətlərarası razılaşmanın imzanacağı gözlənilir.
Sonra R.T. Ərdoğan türk sahibkarları ilə qapalı görüş keçirəcək. Bundan dərhal sonra Azərbaycan parlamentinin spikeri Murtuz Ələsgərovla görüşəcək. Səfərin sonunda Türkiyənin baş naziri Azərbaycanda Milli Məclisində çıxış edəcək.
Azərbaycanlı həmkarı Artur Rasizadə ilə danışıqlar apardıqdan və Heydər Əliyev Fonduna baş çəkəndən sonrada R.T.Ərdoğanın Bakıya bir günlük səfərinin rəsmi hissəsi başa çatacaq. Elə həmin gün Türkiyənin baş naziri Ankaraya qayıdacaq.
Səfirlikdən onu da bildiriblər ki, iki ölkənin işçi qrupları səfər zamanı imzalanacaq sənədlərin mətnlərini artıq razılaşdırıblar.
