Rusiya Federasiyasının Azərbğaycana səfir təyin edəcəyi barədə yeni ehtimallara görə, bu, sentyabrın sonları və oktyabrın əvvəllərində baş verə bilər. Bu barədə Trend ə Rusiyanın Azərbaycandakı müvəqqəti işlər vəkili Pyotr Burdıkin məlumat verib.
Onun sözlərinə görə, bundan əvvəl səfirin avqustda təyin olunacağı gözlənilirdi. Lakin bu vəzifəyə namizədin prezident tərəfindən Dövlət Dumasınını komitəsinə təqdim olunmasına və Dumanın isə məzuniyyətə getməsi ilə əlaqədar bu məsələnin həlli yubandı. Diplomat əmindir ki, məsələnin həlli o qədər də uzun çəkməyəcək.
Xatırladaq ki, RF-nın Azərbaycandakı keçmiş səfiri Nikolay Ryabov öz diplomatik missiyasını 2004-cü ildə başa vurub. Həmin vaxtdan Rusiyanın Azərbaycandakı diplomsatik missiyasına Rusiyanın Azərbaycandakı müvəqqəti işlər vəkili P.Burdıkin başçılıq edir.
