...

KOMMUNİSTLƏR SEÇKİLƏRDƏ VAHİD KOMMUNİSTLƏRƏ QARŞI MÜBARİZƏ APARACAQLAR

Siyasət Materials 30 Avqust 2005 15:19 (UTC +04:00)

"Azərbaycan kommunistləri də sentyabr-oktyabr aylarında mitinq keçirməyi planlaşdırıb. Ancaq məqsəd heç nəyə etiraz etmək, iqtidarı istefaya çağırmaq olmayacaq, əsas məqsəd gücümüzü göstərmək olacaq" Bu barədə Trend agentliyinə Azərbaycan Kommunist Partiyasının (AKP) sədr müavini Rüstəm Şahsuvarov məlumat verib.

R.Şahsuvarov bildirib ki, son məlumata görə AKP-dən 26 namizəd qeydə alınıb. Azərbaycan kommunistlərinin digər solçu partiyalarla birgə seçkilərə qatılacaqlarını təkzib edən mənbə deyib: "Biz konstruktiv müxalifətik, nə sollarla, nə sağlarla nə də sosialistlərlə birləşə bilərik. Bizim yolumuz tamam ayrıdır"

AKP rəsmisi onu da bəyan edib ki, eyni dairədən namizədliklərini verən Vahid Azərbaycan Kommunist Partiyasının (VAKP) üzvlərinə heç vaxt güzəştə getməyəcəklər: "Bizim onlarla çoxdan ədavətimiz var. Onları kommunist hesab etmirik"

AKP sədrinin müavininin fikrindən belə çıxdı ki, Azərbaycan kommunistləri seçkilərdə vahid kommunistlərə qarşı mübarizə aparacaqlar.

Xəbər lenti

Xəbər lenti