Mərkəzi Seçki Komissiyası (MSK) beynəlxalq təşkilatların tövsiyələri əsasında formalaşan Seçki Məcəlləsinə uyğun paritet əsaslarla təşkil olunub. Bu barədə Trend ə hakim Yeni Azərbaycan Partiyası (YAP) icra katibinin müavini, millət vəkili Mübariz Qurbanlı bildirib.
M.Qurbanlı qeyd edib ki, MSK-nın formalaşdırılması ilə bağlı müxalifətin irəli sürdüyü variantların heç biri məntiqə sığmır: "Komissiya paritet əsaslarla parlamentdə çoxluq təşkil edən YAP-dan 6, azlıq təşkil edən partiyalardan 6, bitərəflərdən də 6 nümayəndədən ibarət formalaşdırılmalıdır. Parlamentin fevralın 7-də növbədənkənar keçirilən toplantısında MSK-nın 13 üzvü təsdiqlənib. Mayın 13-də keçiriləcək təkrar seçkilərdən sonra yerdə qalan üzvlər də qanun çərçivəsində irəli sürülüb təsdiqlənəcək. Bundan başqa ədalətli seçim yoxdur".
YAP rəsmisi onu da bildirib ki, müxalifət MSK-nın tərkibinə diqqətlə baxmalıdır: "Parlamentdə azlıq təşkil edən partiyalar elə müxalifət düşərgəsində təmsil olunur. Onlara da 6 yer verilib. Hazırda MSK-da YAP-ın 6 nümayəndəsi təmsil olunur. 6 yer müxalifət, 4 yer bitərəflər üçün ayrılıb. Qalır 2 yer ki, bu da tərəflər arasında razılaşdırılmalıdır. Belə bir ədalətli variantdan artıq MSK formalaşdırıla bilməz".
Trend-in ən mühüm və maraqlı xəbərlərini "Telegram"da izləyin
.jpg)
.jpg)
