Aprelin 12-də ABŞ Konqresinin Nümayəndələr Palatasının xarici proqramlar komitəsinin xarici pulayırmaları üzrə alt komitəsinin sədri, konqresmen Cim Kolbinin (Jim Kolbe) başçılığı ilə Amerikanın nümayəndə heyəti iki günlüuk səfərlə Bakıya gəlir. Bu barədə Trend ə ABŞ-ın Bakıdakı səfirliyinin mətbuat xidmətinin rəhbəri Conatan Xenik məlumat verib.
Nümayəndə heyətinin Azərbaycan rəhbərliyi, eləcə də prezident İlham Əliyevlə görüşəcəyi ehtimal edilir.
Görüş zamanı Azərpbaycan-Amerika münasibətlərinin hazırki vəziyyəti və inkişafı, Azərbaycana yardım proqramlarının reallaşdırılması məsələləri müzakirə olunacaq.
Səfərin yekunları üzrə mətbuat konfransı keçiriləcək.
Bakyıya gələnə kimi missiya Ermənistan və Gürcüstanda olub. Bu ölkələrdən fərqli olaraq, Bakıya səfərə gələn nümayəndə heyətinin tərkibinə "Minilliyin çağırışları" korporasiyasının icraçı direktoru Con Danileviç daxil deyil.