Quşçuluq müəssisələrinin vergi ödəmələrinin və sosial ayırmalarının dondurulması 2006-cı ildə dövlət büdcəsinə vergilərin toplanması üzrə proqnozlara təsir göstərməyəcək. Trend in verdiyi xəbərə görə, bu barədə aprelin 12-də vergilər naziri Fazil Məmmədov məlumat verib.
Bu proses vergi borclarını və ya məsuliyyəti heç cür aşağı salmır. Vergilərin dondurulması "quş qripi" epidemiyasının başlanması ilə əlaqədar bu müəssisələrə dəyən ziyanla bağlı istehsalın dəstəklənməsi üzrə tədbirlər çərçivəsində həyata keçirilir.
Nazirin sözlərinə görə, vergi qanunvericiliyi fors-major vəziyyətlərdə vergi ödəmələrinin 9 aya qədər təxirə salmağa imkan verir. Quş məhsulları istehsalçıları ilə münasibətdə bu möhlət 3 ay müddətində nəzərdə tutulub.