2006-cı ilin 5 ayı ərzində narkotiklərlə əlaqədar 1146 nəfər cinayət məsuliyyətinə cəlb edilib. Bu barədə Trend ə Azərbaycan Respublikası Daxili İşlər Nazirliyinin Baş Narkotiklərlə Mübarizə İdarəsindən məlumat verilib.
Cinayətlərin 719-u narkotiklərin saxlanması, 384-ü satışı, 39-u isə becərilməsi ilə əlaqədar olub.
Qanunsuz dövriyyədən 95 kiloqram 232 qram müxtəlif növ narkotik vasitə və 422 həb çıxarılıb.
Yabanı halda bitmiş və qanunsuz əkilib-becərilmiş 27 tondan artıq narkotik xassəli bitki məhv edilib.