Gürcüstanın Xarici İşlər Nazirliyi GUAM üzrə tərəfdaşları ilə sülhməramlı batalyonun yaradılması ilə bağlı məsləhətləşmələr aparır. Bu barədə Trend ə xarici işlər nazirinin birinci müavini Valeriy Çeçelaşvili xəbər verib.
O qeyd edib ki, hazırda bu danışıqlar başa çatmaq üzrədir. "Bu məsələ GUAM çərçivəsində imzalanmış protokllarla qabağcadan müəyyənləşdirilib" - deyə o bildirib.
V. Çeçelaşvili deyib ki, tərkibi məsləhətləşmələr zamanı müəyyənləşdiriləcək batalyona Gürcüstan, Azərbaycan, Ukrayna və Moldova hərbiçiləri daxil olacaq.
"Biz hazırda hər bir tərəfin kvotası üzərində işləyirik"- deyə o əlavə edib.
V.Çeçelaşvili vurğulayıb ki, gürcü hərbiçiləri sülhməramlı əməliyyatlarda böyük təcrübə qazanıb, çünki onlar Kosovo, Əfqanıstan və İraqda qayda-qanunun bərqarər olmasında iştirak edir.