Ümid Partiyası 2008-ci ildə keçiriləcək prezident seçkilərində partiyanın sədri İqbal Ağazadənin namizədliyini irəli sürəcək. Bu barədə Trend ə Ümid Partiyasından məlumat verilib.
Bildirilib ki, partiyanın qarşıdan gələn qurultayında bu barədə qərar qəbul olunacaq. Ümid Partiyasının qurultayı isə oktyabr ayının ilk ongünlüyündə keçiriləcək. Qurultayda partiyanın Nizamnaməsinə dəyişiklik ediləcək, növbəti illər üçün patiyanın siyasi kursu müəyyən olunacaq, 2008-ci ildə keçiriləcək prezident seçkilərində "Ümid"in öz namizədi ilə iştirak etməsinə dair qərar çıxarılacaq.
Həmçinin partiyanın rəhbərliyində yeniləşmələr baş verəcək, sədr müavinləri, müşavirlər təyin olunacaq.
Hazırda qurultaya hazırlıq işləri gedir, yerli təşkilatlarda keçirilən konfranslarda qurultaya nümayəndələr seçilir.