Gəncə Gil-Torpaq İstehsalat Sahəsində İnvestisiya proqramı çərçivəsində ətrafda yığılan şlamın zərəsizləşdirilməsi işlərinə 0,5 miylon dollar vəsait ayrılıb. Bu barədə məlumatı Trend in qərb bürosuna Birliyin təhükəsizlik texnikası, ekologiya və mülki müdafiə şöbəsinin rəisi Rasim Yusubov verib.
Onun sözlərinə görə, bu ilin sonunadək şlamın yığıldığı əsas sahənin ətrafına hündürlüyü 7 metr olan bənd çəkiləcək. Bu da tullantının nəmləşdirilməsini asanlaşdıracaq, onun ətrafa yayılmasının qarşısını alacaq.
Müsahibimiz həmçinin bildirdi ki, bu yöndə artıq işlərə başlanılıb. Hər gün bəndə 10 maşın qrunt tökülür. Bununla bərabər Nazirlər Kabinetinin Gəncə çayının hövzəsinin təmizlənməsi və Gil Torpaq İS-nin tullantıları ilə bağlı problemlərin həlli üçün qrant ayrıldığını, bu ilin 3-cü və 4-cü rüblərində bu işlərin reallaşacağını qeyd etdi.
