"FİNKA-Azərbaycan" qeyri-bank kredit təşkilatının Əlibayramlı filialı Salyan bazar-ofisini açıb. Məqsəd kiçik bizneslə məşğul olan adamlara maksimum 2 həftə ərzində 50-1000 manat məbləğində kredit verməkdir.
Bunun üçün isə yaxın qohum olmayan minimum 4 sakin "həmrəy kredit qrupu" yaradıb götürülmüş kreditin ödənilməsində bir birinə zamin durmalıdırlar. Elə buna görə də kredit götürənlərdən girov tələb olunmur. Ödəniş isə müqavilənin şərtlərindən asılı olaraq həftəlik, ayda 2 dəfə və ya aylıqdır. Aylıq isə 3 % nəzərdə tutulub.
Faizin üzərinə isə alınmış kreditin məbləğinin bir qismi də əlavə edilir ki, ilin sonunda ödəniş tamamilə başa çatır.
Ofisdən bildirdilər ki, gələcəkdə bizneslə məşğul olacaq sakinlərə veriləcək kreditin məbləği 10 min manata gədər artırılacaq.
