"Yeni Siyasət" blokunun Koordinasiya Şurası gələn həftə toplanacaq. Bu barədə Trend ə blokun həmtəsisçisi Eldar Namazov məlumat verib.
O bildirib ki, Koordinasiya Şurasının iclasında "Yeni Siyasət"in siyasi blok elan edilməsi barədə qərar çıxarılacaq.
Qeyd edək ki, "Yeni Siyasət" seçki bloku 2005-ci ilin parlament seçkilərində blok şəklində iştirak etmək məqsədi ilə bir qrup siyasi xadim və partiyalar tərəfindən yaradılıb. Sonradan bəzi üzvlər bloku tərk ediblər. Hazırda "Yeni Siyasət"in siyasi blok elan edilməsi üçün iş aparılır.
