Bu gün Salyanda Mədəniyyət və turizm nazirliyi bölgədə yerləşən 9 rayonun müvafiq yerli şöbələrinin rəhbərlərinin iştirakı ilə geniş müşavirə keçirib. Müşavirəyə Salyan , Əlibayramlı, Neftçala, Hacıqabul, Sabirabid, Saatlı, İmişli, Beylaqan və Biləsuvar rayonlarının icra hakimiyyətlərinin başçıları da qatılıb.
Yerli şöbələrin rəhbərlərinin hesabat xarakterli çıxışlarından sonra mədəniyyət və turizm naziri Əbülfəz Qarayev yekun nitqi söyləyib.O, öz çıxışında Beyləqan və Salyan mədəniyyət və turizm şöbələrinin müdirlərinə işlərindəki nöqsanlara görə xəbərdarlıq edib. Nazir xüsusilə rayon kitabxanalarının fəaliyyətinin və təminatının qənaətbəxş olmadığını qeyd edib. Ə.Garayev bildirib ki, problemin tezliklə həlli üçün nazirlik tezliklə tədbirlər planı hazırlayıb həyata keçirəcək.
