Naxçıvan Təlim Mərkəzində atəş hazırlığı üzrə təlim toplantısı keçirilib. Trend in Naxçıvan Bürosunun məlumatına görə, məşğələnin keçirilməsində məqsəd Naxçıvan Qarnizonunda 2006-cı ilin yekunları ilə əlaqədar olaraq birlik, birləşmə və hərbi hissələrin peşəkarlıq səviyyəsini yoxlamaq olub.
Təlim- məşq toplanışında Naxçıvan MR Ali Məclisinin sədri Vasif Talıbov baxış üçün iştirak edib, ordunun döyüş hazırlığını yüksək qiymətləndirib.
Təlimə regionda fəaliyyət göstərən hərbi hissələrin şəxsi heyəti cəlb olunub. Məşğələdə müasir döyüş texnikası və silahlardan məharətlə istifadə qaydaları, o cümlədən gücləndirilmiş motoatıcı bölüyün müdafiə döyüşünün təşkili işi nümayiş edilib.