Azərbaycan, Bakı/ Trend müxbir S.Ağayeva/ Kosovo problemi, Dnestryanı, Dağlıq Qarabağ, Abxaziya və Cənubi Osetiya ancaq hüquqi-formal nöqteyi-nəzərdən oxşardırlar. Öz mahiyyətlərinə görə isə tamamilə fərqlidirlər və bu münaqişələrin həll olunmasına ayrıca yanaşma tələb olunur.
Bu barədə cümə axşamı Bakıda Rusiyanın starteji araşdırmalar institutunun direktoru Yevqeni Kojokin brifinqdə bildirib. Politoloq bildirib ki, Kosovo münaqişəsinin həll olunması üzrə plan Dağlıq Qarabağ münaqişəsinin həllində presedent ola bilməz. Kojokin münaqişənin həll olunmasında ləngiməni "regiondan kənar oyunçuların maraqlarında, münaqişənin həllinə fərqli yanaşmalarda" görür.