Gürcüstan, Tbilisi /müx. Trend N.Kirtsxalia/Gürcüstan prezidentiMixail Saakaşvili GUAM dövlət başçılarının sammitində iştirak etmək üçün Bakıya yola düşüb.
Gürcüstanın Dövlət dəftərxanasından bazar ertəsi verilən məlumata görə, Gürcüstan nümayəndə heyətinə xarici işlər naziri Gela Bejuaşvili, energetika naziri Nikoloz Gilauri, təhsil və elm naziri Aleksandr Lomaya, mədəniyyət, abidələrin mühafizəsi və idman naziri Giorqi Qabaşvili, sərhəd polisinin rəhbəri Badri Bitsadze və digər rəsmi şəxslər daxildir.
Dövlət dəftərxanasından verilən məlumata görə, bu gün Saakaşvilinin Azərbaycan prezidenti İlham Əliyev, Polşa prezidenti Lex Kaçinski, Litva prezidenti Valdas Adamkusla görüşləri nəzərdə tutulur.
Bundan əlavə GUAM-Polşa formatında görüş planlaşdırılır.
İyunun 19-də səhər GUAM dövlət başçılarının plenar iclası keçiriləcək. Ardınca birgə bəyannamənin imzalanağı planlaşdırılır. Sonra görüş iştirakçıları birgə brifinq keçirəcəklər.