Azərbaycanın dövlət strukturlarında ştatın 40%-ni gənclər təşkil edir
Azərbaycan, Bakı, 28 yanvar/ Trend , müxbir C.Babayeva/ Azərbaycanın mərkəzi dövlət aparatı işçilərinin 40%-ni gənclər təşkil edir. Bu barədə bazar ertəsi Bakıda "Gənclərin yeni əməkdaşlıq modeli" beynəlxalq tədris kursu layihəsinin açılış mərasimində Azərbaycanın gənclər və idman nazirinin müavini İntiqam Babayev məlumat verib.
Babayevin sözlərinə görə, bu nəticə nazirlik tərəfindən keçirilən monitorinqlərdən sonra məlum olub.
Azərbaycanda əhalinin 30%-ni gənclər təşkil edir. Ölkədə 14-29 yaş arası şəxslər gənclər sırasına aid edilir.
Azərbaycanda 170 gənclər təşkilatı fəaliyyət göstərir. Rəsmi məlumatlara əsasən, 1995-ci ildən gənclər proqramının həyata keçirilməsi üçün dövlət büdcəsindən 5-6 min dollar ayrılıb. Bu il isə bu rəqəm 2 milyon dollardan çoxdur.
