Azərbaycan, Bakı, 14 fevral /müx. TrendLife Günel Əhmədova/
Milli Ensiklopediyanın baş redaktoru Tofiq Nağıyevin TrendLife-a bildirdiyinə görə, yeni nəşr kitab köşklərində satışa buraxılmayacaq. Bunun səbəblərindən danışan T.Nağıyev eyni zamanda bildirdi ki, kitabın qiyməti 30-35 manat təşkil edəcək. Açıq satışın olmayacağının səbəblərini izah edən həmsöhbətim vurğuladı ki, bu addımı kitabın öz qiymətindən baha satılmasının qarşısını almaq üçün atıblar: "Artıq dünəndən ensiklopediya Prezident Aparatının göstərişi ilə rəsmi dövlət instansiyalarına, məktəblərə, kitabxanalara paylanmağa başlayıb. Bu proses başa çatdıqdan sonra isə ensiklopediya rus və ingilis dillərinə tərcümə olunaraq internetdə yerləşdiriləcək".