Azərbaycan, Bakı. 24 fevral. / Trend / Tanınmış jurnalist, Azərbaycan Jurnalistlər Birliyinin fəxri sədri Həci Həciyev bu gecə ömrünün 85-ci ilində vəfat edib.
O dünən axşam infarkt keçirib və dərhal xəstəxanaya çatdırılıb. Həkimlərin səylərinə baxmayaraq Həci Həciyev gecə yarısı həyatını dəyişib. Onun dəfn mərasimi bu gün keçiriləcək.
1924-cü ildə fevralın 18-də Bakıda anadan olan Həci Həciyev "Azərbaycan gəncləri" qəzeti, Dövlət televiziya və radio verilişləri şirkətində çalışıb. 1988-2006-cı illərdə Azərbaycan Jurnalistlər Birliyinin sədri olub.