Azərbaycan, Bakı, 14 may /müx. TrendLife Eldar Hüseynzadə/
Əməkdar artist, bir neçə beynəlxalq müsabiqələrin laureatı pianoçu Murad Hüseynov yaxın günlərdə Türkiyəyə yola düşəcək. Səfərinin məqsədini M. Hüseynov TrendLife-a danışıb. "Mən Türkiyənin Edirne şəhərinə master klass verməyə gedəcəm. Bundan əlavə orada pianoçulardan imtahan da götürəcəm. Bunu etməkdə məqsədim son iki-üç ayda türk pianoçuları hansı yeniliklər etməsini bilməkdir. Keçən ildə onlardan imtahan götürmüşdüm. Deyim ki, cavablardan çox narazı idim. Görək bu il onlar nələr ediblər".