Azərbaycan, Bakı,30 iyul / Trend , müxbir K.Zərbalıyeva/ Bakı Apellyasiya Məhkəməsi rüşvət almaqda ittiham olunan "Bakcell" şirkətinin menecerinin əməlini dələduzluq kimi tövsif edib.
Cinayət Məcəlləsinin külli miqdarda törədilməklə rüşvət alma (311.3.3-cü) maddəsi ilə təqsirləndirilən Saşko Todorovski apellyasiya şikayətində əməlinin Cinayət Məcəlləsinin vəzifəli şəxsin qərarına qanunsuz təsir göstərmə (312.1-ci) maddəsi ilə tövsif olunmasını istəyib.
Məhkəmədən çərşənbə günü Trend -a bildirilib ki, Bakı Apellyasiya Məhkəməsi Todorovskinin cinayətini dələduzluq kimi tövsif edib və cəzasını 8 ildən 7 ilə endirmək barədə qərar çıxarıb.
Prokuror isə dünənki çıxışında Todorovski barəsində çıxarılan məhkəmə hökmünün qüvvədə saxlanılmasını və apellyasiya şikayətinin təmin olunmamasını xahiş etmişdi.
Todorovski Ağır Cinayətlərə Dair İşlər üzrə Məhkəmənin hökmü ilə 8 il müddətinə azadlıqdan məhrum edilib.
Müəlliflə əlaqə saxlamaq üçün elektron ünvan - [email protected]
