Azərbaycan, Bakı, 16 avqust/ Trend , müxbir R.Ergün/ Olimpiadanın səkkizinci günündə üç azərbaycanlı idmançı çıxış edib. Azərbaycanın qadın güləşində təmsilçiləri səhər mübarizəyə başlayıblar. Avropa çempionu Mariya Stadnikin (48) debütü uğursuz olub. Elə ilk döyüşdə o, Kanadadan olan üçqat dünya çempionatı mükafatçısı Kerol Hinhə uduzub. Görüşün birinci hissəsi - 2:4 hesabı il bitib, lakin ikinci hissədə kanadalı təşəbbüsü ələ alıb və Stadnikə heç bir fürsət verməyib - 2:0. Stadnik bürünc uğruna mübarizəni əldən verməyib. Birinci döyüşdə o, koreyalı Kim-Yo Hyun, sona isə qazax Tatyana Bakatyuka heç bir şans verməyib. Hər iki qələbə iki raunda qazanılıb, ikinci isə ümumiyyətlə vaxtından əvvəl. Beləliklə, bu medal Pekin Olimpiadasında Azərbaycan idmançılarının ikinci bürünc mükafatı olub.
Stadnikdən bir qədər sonra Yelena Komarova (55 kq) xalça üzərinə çıxıb. Püşkatmada onun bəxti gətirməyib. O, dördqat Avropa çempionu və dördqat dünya çempionatının bürünc mükafatçısı - rusiyalı Natalya Qoltsla qarşı-qarşıya gəlib. Qolts hücumla birinci hissəni qazanıb - 4:0. İkinci hissədə isə bir qədər əziyyət çəkməli olub - 1:0. Bundan sonra Qolts yaponiyalı Yoşidaya uduzub və Komarova medal üçün bütün şanslarını itirib.