Azərbaycan, Bakı, 08 sentyabr / Trend , müxbir R.Ergün/ Azərbaycanlı şahmatçı Teymur Rəcəbov İspaniyada təşkil olunan, "Böyük dəbilqə" adlanan beynəlxalq turnirdə keçirdiyi növbəti görüşdə heç-heçə edib.
Ermənistandan olan şahmatçı Levon Aronyanla qarşılaşan Rəcəbov heç-heçə etməklə hesabına bir xal yazdırıb. Bu görüşdən sonra azərbaycanlı qrossmeyster dörd xalla sonuncu yeri tutur.
Hazırda turnirin lideri hesabında doqquz xal olan bolqarıstanlı şahmatçı Veselin Topalovdur.
Rəcəbov növbəti - 6-cı turda Topalovla görüşəcək.
"Böyük dəbilqə" turnirinin mükafat fondu 400 min avrodur. Birinci yeri tutan idmançıya mükafat kimi 150 min avro veriləcək.
Məqalə müəllifi ilə əlaqə ünvanı: [email protected]