Azərbaycan, Bakı, 10 noyabr/ Trend , müxbir R.Ergün/ Türkiyənin "Boluspor" klubu Rəşad Sadıqovun transfer olunmasını həll etmək üçün bu gün Azərbaycanın "Neftçi" futbol klubuna rəsmi müraciət edəcək. Bu barədə Trend -a Türkiyənin birinci liqasında çıxış edən klubdan məlumat veriblər.
Sadıqov hazırda "Neftçi" klubunun əvəzedici komandasında çıxış edir.
Bir müddət əvvəl Sadıqovla yanaşı beş futbolçu - Georgi Adamiya, Rəşad Sadiqov, Aleksandr Çertoqanov, Levent Kartop və Elnur Allahverdiyev "Neftçi"nin əsas komandasından kənarlaşdırılıb.
Azərbaycan yığma komandasının kapitanı olan Sadıqovun "Boluspor"la 6 aylıq müqavilə bağlayacağı gözlənilir.
"Boluspor"da digər azərbaycanlı futbolçu - İlqar Qurbanov da çıxış edir.
Məqalə müəllifi ilə əlaqə ünvanı: [email protected]