Azərbaycan, Bakı, 27 noyabr/ Trend , müxbir R.Ergün/ Azərbaycanın "Bakı" futbol klubunda qış fasiləsi dövründə böyük dəyişikliklər gözlənilmir.
"Bakı" klubunda böyük dəyişikliklər gözlənilmir. Komanda artıq öz oyununu tapıb. Belə vəziyyətdə heyətə 3-4 yeni futbolçu cəlb edə bilərik", - cümə axşamı "Bakı" klubunun makedoniyalı baş məşqçisi Qyoko Hacievski Peşəkar Futbol Liqasının rəsmi saytına müsahibəsində deyib.
Baş məşqçi bildirib ki, artıq bəzi oyunçularla danışıqlar başlayıb.
"Əsasən hücum və yarımmüdafiə xəttini gücləndirmək istəyirik. Artıq bir neçə futbolçu ilə danışıqlar başlayıb".
Hacievski "Bakı"nın birinci dörədəki çıxışından razı qaldığını deyib.
Hesabında 26 xalı olan "Bakı" klubu turnir cədvəlinin 3-cü pilləsində qərarlaşıb.
Hacievski 2007-ci ilin sentyabr ayında "Bakı"nın baş məşqçisi təyin olunub. O, bir müddət futbol üzrə Azərbaycan yığma komandasının baş məşqçisi işləyib.
Məqalə müəllifi ilə əlaqə ünvanı: [email protected]