Azərbaycan, Bakı, 10 dekabr/ Trend , müxbir R.Ergün/ Azərbaycan taekvondoçuları Rusiyanın paytaxtı Moskva şəhərində tələbələr arasında keçirilən dünya kubokunda 4 medal qazanıblar. Bu barədə Trend -a Azərbaycan Taekvondo Federasiyanın mətbuat xidməti məlumat verib.
Azərbaycan yığmasının heyətində çıxış edən Zahid Məmmədov ( 58 kq) bütün görüşlərdə qələbə qazanaraq, dünya kubokunun qızıl medalını qazanıb. Yığma komandanın digər üzvü - Sənan Əsədzadə ( 72 kq) isə gümüş medal əldə edib.
Digər azərbaycanlı idmançılar - Samir Aydınov ( 54 kq) və Bayraməli Vəliyev ( 84 kq) isə üçüncü yerləri tutaraq, bürünc medallar qazanıblar.
Azərbaycan yığması dünya kubokunda komanda hesabında 18 ölkə arasında 5-ci yeri tutub.
Məqalə müəllifi ilə əlaqə ünvanı: trend@trend.az
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
