...

Azərbaycan hökuməti Avropa Komissiyasının "Ədliyyə Sahəsində İslahatlara Dəstək Proqramı" ilə bağlı ayırdığı qrantın istifadəsi üzrə qərar qəbul edib

Cəmiyyət Materials 28 Oktyabr 2010 10:51 (UTC +04:00)
Azərbaycan hökuməti Avropa Komissiyasının "Ədliyyə Sahəsində İslahatlara Dəstək Proqramı" ilə bağlı ayırdığı 14,5 mln avro məbləğində qrant vəsaitinin istifadəsi üzrə tədbirlər planının təsdiq edilməsi haqqında qərar qəbul edib.

Azərbaycan, Bakı, 28 oktyabr /Trend, müxbir K.Zərbalıyeva/

Azərbaycan hökuməti Avropa Komissiyasının "Ədliyyə Sahəsində İslahatlara Dəstək Proqramı" ilə bağlı ayırdığı 14,5 mln avro məbləğində qrant vəsaitinin istifadəsi üzrə tədbirlər planının təsdiq edilməsi haqqında qərar qəbul edib.

Nazirlər Kabinetinin İnternet-saytının cümə axşamı yaydığı məlumata görə, Proqram nəzərdə tutulan istiqamətlər üzrə kompleks tədbirlər planının hazırlanmasına, regional ədliyyə şöbələrinin, Ədliyyə Akademiyasının və Penitensiar Xidmətin potensialının artırılmasına, həmçinin, məhkumların idarə edilməsi və saxlanma şəraitinin yaxşılaşdırılmasına yönəldiləcək.

Qərarda qeyd olunur ki, bu sahələrdə inkişafa nail olmaq üçün ədliyyə sisteminin səmərəli, müstəqil və şəffaf olması, onun inzibati potensialının gücləndirilməsi, hüquq-mühafizə orqanlarının təqdim etdikləri xidmətlərin təkmilləşdirilməsi və ədliyyə sahəsində islahatların aparılmasına dəstəyin göstərilməsi xüsusi əhəmiyyət kəsb edir.

Qərara görə, Ədliyyə, İqtisadi İnkişaf, Maliyyə nazirlikləri, digər səlahiyyətli təşkilatlar tədbirlər planının həyata keçirilməsini təmin etməlidirlər. Tədbirlər planının icrası zamanı həm yerli, həm də xarici mütəxəssislərin cəlb edilməsi, Avropa İttifaqı və ona üzv dövlətlərin müsbət təcrübəsindən istifadə olunması məqsədəuyğun hesab edilir.

Xəbər lenti

Xəbər lenti