Azərbaycan, Bakı, 25 dekabr /Trend, müxbir K.Zərbalıyeva/
31 dekabr - Dünya Azərbaycanlılarının Həmrəylik Günü ilə əlqədar Pentensiar Xidmət (PX) tərəfindən təşkil olunmuş futbol turnirinə bu gün yekun vurulub.
Final oyununda PX-nin Binə qəsəbəsində yerləşən cəzaçəkmə müəssisələrinin əməkdaşlarından ibarət "Binə" komandası ilə Mühafizə Alayının hərbi qulluqçularından ibarət "Hərbçilər " komandası qarşılaşıb.
Gərgin idman mübarizəsində "Hərbçilər" komandası qələbə çalaraq turnirin qalibi olub. Turnirin qalibləri və fərqlənmiş oyunçular qiymətli hədiyyələrlə mükafatlandırılıblar.
Turnirin açılış mərasimi dekabrın 18-də keçirilib. Turnirdə PX-nin tabe qurumlarından yaradılmış "Baş idarə", "Şəfa", "Dostluq", "Binə", "Qaradağ" və "Hərbçilər" komandaları iştirak ediblər.
Bu günki tədbirdə PX-nin rəisi Nazim Ələkbərov və Xidmətin idarə və şöbə rəisləri iştirak ediblər.
