Azərbaycan, Bakı, 11 may /Trend/
"Eurovision"ın Azərbaycandakı Rəsmi Fan Klubunun təşəbbüsü ilə İçərişəhərdə, Qız Qalası tarixi abidəsinin yaxınlığında böyük ölçülü panno quraşdırılıb.
Fan Klubdan Trend-ə verilən məlumata görə, pannonun üzərində "Eurovision 2012"-nin iştirakçısı olan 42 ölkənin bayraqları əks olunub. Pannonun quraşdırılmasının əsas məqsədi "Eurovision 2012"-nin keçiriləcəyi günlər ərəfəsində və ərzində Bakı sakinlərinin və turistlərin marağını cəlb etmək, "Eurovision" əhval ruhiyyəsini bir qədər də artırmaqdır.
Qeyd edək ki, panno mayın sonuna qədər saxlanılacaq.