Azərbaycan, Bakı, 21 dekabr /Trend, müxbir A.Tağıyeva/
Kərbəla vilayətinin administrasiyası Xarici və Daxili İşlər nazirliklərini İraqa zəvvarların gəlişi üçün prosedurları sadələşdirməyə çağırıb. Trend-in məlumatına görə, bu barədə cümə günü "Əsvat əl-İraq" qəzeti xəbər verir.
Kərbəla administrasiyasının rəhbəri Əmələddin əl-Hirin sözlərinə görə, zəvvarların İraqa gəlişi üçün prosedurların sadələşdirilməsi ölkənin dini turizmdən gəlirlərinin artmasına yardım edir.
Əl-Hir onu da bildirib ki, əvvəllər İran vətəndaşları üçün vizaların verilməsi prosesinin sadələşdirilməsi bu ölkədən olan zəvvarların sayının kəskin artmasına səbəb olub.