Azərbaycan, Bakı, 20 fevral /Trend, müxbir İ.İzzət/
Prokurorluq orqanlarında kadr dəyişiklikləri edilib.
Respublika Baş Prokurorluğunun mətbuat xidmətindən Trend-ə verilən məlumata görə, Baş prokuror Zakir Qaralovun müvafiq əmrləri ilə Baş Prokurorluğun Kadrlar idarəsinin rəis müavini Hafiz Məmmədov tutduğu vəzifədən azad edilərək Ağsu rayon prokuroru, Cəbrayıl rayon prokuroru vəzifəsini icra edən Elman Süleymanov isə həmin vəzifədən azad edilərək Daşkəsən rayon prokuroru vəzifəsinə təyin olunub.