Azərbaycan, Bakı, 12 mart /Trend, müxbir İ.İzzət/
Bu gün Bakı Ağır Cinayətlər Məhkəməsində Bakı Dövlət Universitetinin (BDU) Hüquq fakültəsinin sabiq dekan müavini Məhəmməd İmanlının cinayət işi üzrə məhkəmə prosesi başa çatıb və o, 3 il müddətinə azadlıqdan məhrum edilib. Bu barədə Trend-ə məhkəmədən məlumat verilib.
Hökmə əsasən, İmanlı barəsində Cinayət Məcəlləsinin 311-ci (rüşvət alma) maddəsi 178-ci maddəsinə (dələduzluq) tövsif edilib.
Qeyd edək ki, Baş Prokurorluğun daha öncə yaydığı məlumatda qeyd edilirdi ki, İmanlı külli miqdarda rüşvət alan zaman cinayət başında yaxalanıb.
