Azərbaycan, Bakı, 9 iyul /Trend, müxbir İ.İsabalayeva/
Bu gün axşam saatlarından başlayaraq Bakıda şimal küləyinin sürəti zəifləyəcək.
Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə bildiriblər ki, yaxın iki gün ərzində ölkə ərazisində hava şəraitinin dəyişkən buludlu, əsasən, yağmursuz keçəcəyi gözlənilir. Bu gün axşam saatlarından başlayaraq şimal küləyinin sürəti zəifləyəcək.
İyulun 10 və 11-də, Bakı və Abşeron yarımadasında əsasən, şimal küləyi mülayim çənub-şərq küləyi ilə əvəzlənəcək. Bununla əlaqədar paytaxtda iyulun 10 və 11-də havanın temperaturu əvvəlki günlərlə müqayisədə 2-3 dərəcə yüksələcək. Bakıda gündüz 33-38 dərəcə isti proqnozlaşdırılır.
İyulun 10-11-də Azərbaycanın Aran rayonlarında maksimal temperatur 35-40 dərəcə olacaq.
Dağlıq ərazilərdə 25-29 dərəcə isti olacağı gözlənilir.