Azərbaycan, Bakı, 3 sentyabr /Trend, müxbir H.Vəliyev/
Azərbaycanda mobil telefonların IMEI kodlarının (istehsalçı zavodun verdiyi unikal kod) qeydiyyatı Azərbaycanın poçt rabitəsi operatoru - "Azərpoçt" MMC-nin bütün mərkəzi regional filiallarında mümkündür. Bu barədə MMC-dən çərşənbə axşamı Trend-ə verilən məlumatda bildirilir.
Poçt operatoru mobil qurğuların sahiblərinin ərizələrini qəbul etdikdən sonra IMEI-kodlar haqqında informasiyanı onların vahid bazaya əlavə olunması üçün son instansiyaya göndərir.
Azərbaycanda mobil telefonların IMEI kodlarının (istehsalçı zavodun verdiyi unikal kod) qeydiyyatı sistemi mayın 1-dən işə salınıb.
Həmin tarixdən etibarən respublika ərazisinə şəxsi istifadə (Azərbaycanın mobil rabitə operatorlarının şəbəkələrində) üçün idxal edilən mobil telefonları 30 gün ərzində qeydiyyatdan keçirmək lazım olacaq. Bu qaydalar Azərbaycana gələn turist və qonaqlara şamil edilmir. Onların mobil telefonlarına rouminq xidməti göstərilir.
Yeni sistem mobil telefon bazarının vəziyyəti (bazarın həcmi, idxal edilən leqal və qeyri-leqal məshulların sayı) haqqında dədiq məlumat almağa imkan verir.
Azərbaycanda IMEI kodların məlumat bazasında 13 milyondan çox telefon qeydiyyata alınıb.