Azərbaycan, Bakı, 10 dekabr /Trend, müxbir R.Hafizoğlu/
Türkiyədə cinsi zorakılığa qarşı cəza tədbirləri sərtləşdirilir. Trend-in məlumatına görə, bu barədə Türkiyənin "Sabah" qəzeti yazır.
Məlumata əsasən, cinsi zorakılığa görə əvvəllər 2 ildən 7 ilə qədər həbs cəzası nəzərdə tutulurdusa, hazırlanan yeni qanun layihəsinə əsasən, bu cinayətə görə həbs cəzasının müddəti 4 ildən 10 ilə qədər artırılıb.
Qəzetin məlumatına əsasən, cinsi zorakılığa təşəbbüsə görə ən azı 6 il həbs gözlənilir. Cinsi zorakılıq zamanı hər hansı silahdan istifadə zamanı isə 10 il həbs nəzərdə tutulur.
Məlumata əsasən, uşaqlara qarşı cinsi zorakılıq zamanı həbs müddətinin 15 il olması nəzərdə tutulub.