Azərbaycan, Bakı, 23 yanvar /Trend, müxbir İ.İzzət/
"ASAN xidmət" mərkəzindən artıq 1 milyon vətəndaş yararlanıb.
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Beynəlxalq və ictimaiyyətlə əlaqələr şöbəsindən trend-ə verilən məlumata görə, 23 yanvar 2014-cu il tarixində Bakı şəhər Binəqədi rayonun sakini Məsimova Lalə 1 saylı Bakı "ASAN xidmət" mərkəzinə müraciət edərkən "ASAN xidmət" mərkəzlərinin 1 000 000-cu istifadəçisi olaraq qeydə alınıb.
Məsimova Lalə "ASAN xidmət" mərkəzinə şəxsiyyət vəsiqəsinin dəyişdirməsi ilə bağlı müraciət edib və müvafiq xidmətdən yararlanıb.