Azərbaycan, Bakı, 19 aprel/ Trend/
Bakının bir hissəsinə təbii qazın verilişində fasilələr yaranacaq.
"Azəriqaz" İB-dən Trend-ə verilən məlumata görə, Nərimanov rayonu Xəlil Rza Ulutürk küçəsində yol qovşağının (tunel) tikintisi zamanı 530 mm-lik daşıyıcı qaz kəmərindən ayrılan 159 mm-lik orta təzyiqli qaz kəmərinin "Azvirt" MMC tərəfindən zədələnməsi nəticəsində əmələ gəlmiş qaz sızmasının ləğvi ilə əlaqədar bu gün saat 13:00-dək Nərimanov və Binəqədi rayonlarının bir hissəsinə təbii qazın verilişində fasilələr yaranacaq.