Azərbaycan, Bakı, 19 aprel /Trend, müxbir R.Hafizoğlu /
Türkiyənin Muqla vilayətinin Bodrum şəhərində bütün inşaat işləri dayandırılıb. Trend-in məlumatına görə, bu barədə şənbə günü Türkiyənin "Milliyyət" qəzeti yazıb.
İşlər tikintiyə icazə verən sənədlərin yoxlanması səbəbindən dayandırılıb.
İnşaat işlərinin dayandırılması barədə qərarı Bodrum bələdiyyəsinin yeni rəhbəri verib.
İcazə sənədlərinin yoxlanması şəhərdə mayın 15-dək davam edəcək.
Son seçkilər gedişində Cümhuriyyət Xalq Partiyasından (CHP) namizəd Mehmet Kocadon Bodrum bələdiyyəsinin yeni rəhbəri seçilib.